https://ulvimirzoyev.com/ ru Xidmətlərimiz - Dr. Ülvi Mirzoyev - Tibb üzrə fəlsəfə doktoru DataLife Engine https://ulvimirzoyev.com/our-services/invasive-cardiology/64-ureyin-damar-xesteliklerinde-ureyin-isemik-xesteliyi-mudaxileler.html https://ulvimirzoyev.com/our-services/invasive-cardiology/64-ureyin-damar-xesteliklerinde-ureyin-isemik-xesteliyi-mudaxileler.html

Koronar angioqrafiya nədir?

Koronar Angioqrafiya rentgen şüaları və xüsusi kontrast maddə hesabına ürəyin tac (koronar) damarlarının görüntülənməsi üsuludur. Koronar Angioqrafiya müayinə üsulu sayılır. Bu müayinəyə el arasında qısaca anjuda deyirlər. Ürəyin işemik xəstəliklərinin dəyərləndirilməsində Koronar angioqrafiya “Qızıl standart “ hesab olunur.

Koronar damarlar nədir?

Koronar damarlar aortadan ayrılır və ürəyi qidalandırmaq vəzifəsi daşıyırlar. Bir çox xəstəliklərdə bu damarlarda yaranan daralma və ya tıxanmalar bir sözlə ürəkdə qidalanma pozğunluğuna səbəb olur. Məhz bu səbəbdən angioqrafiya (anju) müayinəsi olunmaqla bu damarların vəziyyəti tam qiymətləndirilir. Əgər damarlarda daralma və ya tıxanma varsa müvafiq müalicə metodu seçilir.

Angioqrafiya (anju) bir kateter laboratoriyasında aparılır. Müayinə adətən bilək arteriyasından bəzi hallarda bud arteriyasından girilməklə icra edilir. Bu zaman müvafiq nahiyyəyə plastik tüp yerləşdirilir və kateter bu tüpün içindən keçməklə ürəyə qədər gedilir. Daha sonra kontrast yeridilir və hərəkətli rentgen şəkillər çəkilir. Sonra çəkilmiş rentgen görüntü izlənərək koronar damarlarda kontrast maddənin axın vəziyyətinə baxılır. Bu zaman koronar damarlarda problem varsa açıq aydın görünür.

Angioqrafiyadan (anju) əvvəl bir sıra müayinə və testlər edilir. Bundan sonra angioqrafiyaya qərar verilir. Xəstə müayinə zamanı tam ayıq vəziyyətdə olur. Sadəcə kateter salınacaq nahiyyə yerli anesteziya edilir. Xəstələr müayinə zamanı demək olar ki heç bir narahatlılıq hiss etməzlər. Bəzi xəstələr kontrast yeridilən anda istilikbasma olduğunu deyirlərki, bu keçicidir. Təqribən koronar angioqrafiya müayinəsi 15 dəqiqə çəkir.

Koronar angioqrafiyaya (anju) nə zaman edilir?

• Stenokardiya
  
• Miokard infarktı keçirən xəstələr
  
• Daha əvvəl stent qoyulmuş və koronar şuntlama əməliyyatı keçirmiş xəstələrdə təkrar şikayətlər olduqda
  
• Bəzi ürək əməliyyatlarına hazırlıq
  
• Ürəkdə ciddi ritm pozulmaları olduqda
  
• EKQ və Holter müayinələrində anormallıqlar olduqda
  
• Ürək çatışmazlığında
  
• Bir sıra testlərin mənfi olmasına baxmayaraq xəstədə ürək şikayətləri olduqda
  

Angioqrafiya müayinəsinə hazırlıq necə olur?

Angioqrafiyadan (anju) əvvəl bir sıra müayinələr (EKQ, Exokardioqrafiya) və laborator analizlər (xüsusilə böyrək testləri) aparılır. Yaxşı olar ki xəstə ac olsun. Ona görədə müayinəyə gələn xəstələr ya ac gəlir ya da səhər azca yemək yeməsi söylənilir. Xəstə müayinədən bir neçə saat öncə palataya yatızdırılır. Bu zaman damardan giriş olunacaq sahələr adətən bilək nahiyyəsi, hər ehtimala bud nahiyyəsi təraş olunur. Xəstə müayinə zamanı tam ayıq vəziyyətdə olur. Sadəcə kateter salınacaq nahiyyə yerli keyləşdirilir. Xəstələr müayinə zamanı demək olar ki heç bir ağrı hiss etməzlər. Bəzi xəstələr kontrast yeridilən anda istilikbasma olduğunu deyirlərki, bu müvəqqətidir. Müayinə ümumi olaraq 10-15 dəqiqə çəkir.

Angioqrafiyadan sonra nə edilməli?

Əgər angioqrafiya (anju) bilək nahiyyəsindən olunubsa 1-2 gün dincəldikdən sonra normal həyata qayıtmaq olar. Lakin prosedur bud nahiyyəsindən olunubsa bu zaman 3-4 gün dincəlməli, əsasəndə oturarkən ehtiyyatlı olmalı, kəskin hərəkətlər edilməməlidir. Damar girişim sahəsini kənar təsirlərdən qorumaq lazımdır. Bundan başqa xəstələr aşağıdakı məqamlara diqqət etməlidirlər.

• Bol maye qəbul etmək-bu kontrast maddənin bədəndən çıxması üçün əhəmiyyətlidir.
  
• Prosedurdan 1 gün sonra ilıq su ilə çimmək olar
  
• Əgər müayinə bud nahiyyəsindən olunubsa asqırma, öskürmə kimi hallarda müvafiq nahiyəyə dəstək vermək lazımdır, həmçinin bir neçə gün yerdən tualet istifadə edilməməlidir
  
• Bud nahiyyəsindən girişim olduqda 2-3 gün ağır qaldırmamaq, eləcədə 2-3 gün avtomobil idarə etməmək məsləhətdir.
  
• 2 gün cinsi həyatdan uzaq durmaq tövsiyyə olunur.
  

Koronar angioqrafiya müayinəsinin nəticəsi nə olur?

Müayinənin nəticəsinə görə dərman müalicəsi (konservativ), angioplastika (damarı balonla genişləndirmək və stent qoymaq) və by-pass (aorta koronar şuntlama) qərarı verilə bilər.

Koronar stent və balon tətbiqi

Angioqrafiya müayinəsindən sonra damarlarda ciddi faiz darlıq aşkar olunarsa balon və stent tətbiqi (angioplastika əməliyyatı) həkim tərəfindən bildirilir. Angioplastika təcili və planlı ola bilər. Əgər damar tıxanıqlığı ürəkdə ciddi qidalanma pozğunluğu yaradırsa, və ya çox yüksək faiz darlıq aşkarlanarsa təcili angioplastika əməliyyatı aparılır. Lakin xəstənin vəziyyəti stabildirsə, damar darlıqları orta faiz göstəricilərindədirsə bu zaman planlı angioplastika aparıla bilər.

Stent nədir?

Stent xüsusi metaldan hazırlanır və toxunmuş qəfəs şəklindədir. Onu daralmış və ya tıxanmış damara yerləşdirməkdə məqsəd damarı açıq tutmaq, qan axınını yaxşılaşdırmaqdır. Stentlər 2-4 mm diametrində, 10-40 mm uzunluqda olurlar, həmçinin örtük qatına görə dərmanlı və dərmansız olmaqla ayrılırlar. Dərmanlı stentlər tibbi praktikada daha çox istifadə olunur. Çünki,dərmanlı stent qoyulmuş damarlarda təkrari daralma daha az rast gəlinir. Balon-xüsusi kateterin ücunda olur. Balon damar içində darlığı açmaq üçün, eləcədə stenti açmaq üçün kənardan təzyiq hesabına şişirdilir.

Aorta Koronar Şuntlama (AKŞ ) nədir?

Aorta koronar şuntlama və ya by-pass əməliyyatı– ürək damarlarında olan daralma və tutulmalara invaziv (müdaxiləvi ) yolla əməliyyat icra etmək mümkün olmadıqda, daha çox damar xəstəliklərində, uzun müddətli damar tutulmalarında və s. aparılır. Bu qərar koronar angioqrafiya müayinəsinə görə verilir. Bu əməliyyat açıq yolla narkozla aparılan geniş həcmli bir əməliyyatdır. Məqsəd ürəkdə koronar qan dövranını bərpa etmək, həyat keyfiyyətini yaxşılaşdırmaqdır. AKŞ əməliyyatında bədənin digər nahiyyələrindən ürəyə damar köçürülür. Bu əməliyyatı keçirən xəstələrdə də köçürülmüş damarların fəaliyyətini dəyərləndirmək üçün angioqrafiya müayinəsi aparıla bilər. Buna By-pass kontrolu deyirik.]]> admin Wed, 14 Apr 2021 14:27:21 +0300 https://ulvimirzoyev.com/our-services/71-arterial-hipertoniya.html https://ulvimirzoyev.com/our-services/71-arterial-hipertoniya.html

Ürək hər dəfə döyünəndə qanı damarlara ötürür. Bu zaman qanın ötürülmə gücü hesabına qan damarlara bəlli təzyiq göstərir. Buna qan təzyiq deyirik. İki cür qan təzyiqi vardır. Sistolik yəni ürək yığılan anda olan təzyiq və Diastolik –yəni ürəyin boşalma fazasında olan təzyiq. Qan təzyiqinin normal hədləri Amerika Ürək Assosasiyası tərəfindən son illər 130/80 mm.hg.süt qəbul edilmişdir. 130/80-dən yuxarı Hipertoniya başlanğıc faza hesab olunur.

Hipertoniya nədir?

Hipertoniya müntəzəm olaraq qan təzyiqinin normal hüdudlardan yuxarı olması ilə gedən xəstəlikdir. Bütün dünyada ortalama 1,5 milyard insanda bu xəstəlik vardır. Bu xəstələrin 1/3-i müalicə alır,1/3-i müalicəsizdir,1/3-i müalicə alsada təzyiqi kontrol edə bilmirlər.Hipertoniyanın yaranmasında bir sıra risk faktorları vardır.

*Ailəsində hipertoniya olanlar, qadınlarda menapauza sonrası, siqaret, alkoqol, artıq çəki, az hərəkətlilik, şəkərli diabet, böyrək xəstəlikləri, duzlu qidaların çox qəbul edilməsi, stress və s hipertoniyanın əsas risk faktorlarıdır. Bəzi hipertoniyaların konkret səbəbi olmur,buna essensial hipertoniya deyillər.

Əsas əlamətlər nələrdir?

• Baş ağrıları,xüsusilə gicgah və ənsə ağrıları
  
• Baş gicəllənmə, gözlərdə qaralma, ürək çırpınma
  
• Bəzən burun qanaması, qulaqlarda küy, ürək bulanma, qusma və s.
  

Hipertoniya müəyyən olunduqdan sonra ilk olaraq həyat tərzi, pəhriz və dərman müalicəsi ilə kontrola götürülür. Ümumiyyətlə müalicə olunmayan hipertoniya gələcəkdə bir sıra ağırlaşmalar infark, beyin qanaması (insult), böyrək və göz zədələnmələri yarada bilər. Bundan başqa hipertoniyanın digər müalicə üsulları vardır. Beləki böyrək arteriyası darlığı səbəbindən meydana çıxan hipertoniyalarda birdən birə təzyiqin yüksəlməsi baş verir. Bu vəziyyətlərdə dərmanlar çoxda kömək etmir. Burda əsas çıxış yolu böyrək arteriyasında darlığı aradan qaldırmaqdır. Bunun üçün renal angioqrafiya və renal angioplastika (balon və stent)proseduru aparılır. Bundan başqa kontrolsuz hipertoniya dediyimiz xəstələr olur ki, onlar ən azı 3-qrup təzyiq dərmanları qəbul edirlər. Lakin təzyiq enməsi qısa zaman əldə olunur. Yenidən təzyiq yüksəlir. Kontrolsuz və ya inadkar hipertoniya xəstələrində mərkəzimizdə Renal Denervasiya əməliyyatı icra olunmaqdadır. Bu əməliyyatı ilk dəfə ölkəmizdə 2012-ci ildə bizim komandamız icra etmişdir. Əməliyyat etdiyimiz xəstələrin nəticələrini dünya Hipertoniya konqresində məruzə etmişik. Renal Denervasiya əməliyyatı taktika olaraq bud arteriyasından keçərək böyrək arteriya divarında sinir liflərinin radiofrekans ablasiya olunmasına əsaslanır. Bu zaman əksər xəstələrdə inadkar yüksək təzəyiqlə bağlı yaxşı nəticələr əldə olunur.]]> admin Fri, 02 Apr 2021 16:00:15 +0300 https://ulvimirzoyev.com/our-services/invasive-cardiology/65-ureyin-qapaq-xesteliklerinde-mudaxileler.html https://ulvimirzoyev.com/our-services/invasive-cardiology/65-ureyin-qapaq-xesteliklerinde-mudaxileler.html

Ürək 4 kameradan, yəni boşluqdan ibarətdir: 2 qulaqcıq və 2 mədəcik. Ürəkdə qulaqcıq və mədəciklər arasında, o cümlədən sol mədəcik ilə aorta arasında və sağ mədəciklə ağciyər arteriyası arasında toplam 4 qapaq vardır. Qapaqların əsas funksiyası ürəyin pompa funksiyasını icra edərkən qanın geriyə qayıtmasını əngəlləməkdir. Qapaq xəstəlikləri adətən qapaq darlıqları və qapaq çatışmazlığı şəklində rast gəlinir. Xəstəliyin inkişafında xüsusilə uşaq vaxtı keçirilən angina, buna bağlı revmatizm xəstəliyinin rolu vardır. Bundan başqa, ürək qapaqlarında anadangəlmə anormallıqlar, kirəclənmə kimi problemlərə də rast gəlinir. Qapaq problemlərini aradan qaldırmaq üçün müxtəlif müalicə üsulları tətbiq olunur ki, onlardan daha çox müdaxiləvi yolla qapaq implantasiyası, qapaq təmiri, TAVI (trans kateter aortal qapaq implantasiyası) əməliyyatı və s. aparılır. Bundan başqa, bəzi qapaq darlıqlarında müdaxiləvi yolla balonla genişləndirmə əməliyyatı icra edilə bilir. Bu gün bizim mərkəzimizdə də bu müalicə üsulları yüksək peşəkarlıqla aparılmaqdadır.]]> admin Tue, 16 Mar 2021 18:45:33 +0300 https://ulvimirzoyev.com/our-services/invasive-cardiology/66-aorta-xesteliklerinde-mudaxileler.html https://ulvimirzoyev.com/our-services/invasive-cardiology/66-aorta-xesteliklerinde-mudaxileler.html

Aorta anevrizması xəstələrin həyatını ciddi şəkildə təhdid edən xəstəliklərdən sayılır. Aorta anevrizması ateroskleroz və təzyiq nəticəsində inkişaf edən xəstəlkidir. Bu xəstəliyi belə izah edə bilərik ki, aorta damarın divarı ateroskleroz nəticəsində öz elastikliyini itirir, nəticədə sərtləşmiş aorta təzyiqə davam gətirmədən partayır. Bu vəziyyətdə ölüm faizi çox yüksəkdir. Belə ki, bəlli müayinələrlə aşkarlanan aorta anevrizmasında aortaya müdaxiləvi yolla xüsusi stenlər yerləşdirilib (Greft stent) xəstənin həyati risklərini xeyli azaltmaq mümkündür.]]> admin Tue, 16 Mar 2021 18:45:30 +0300 https://ulvimirzoyev.com/our-services/invasive-cardiology/67-ureyin-anadangelme-qusurlarinda-mudaxileler.html https://ulvimirzoyev.com/our-services/invasive-cardiology/67-ureyin-anadangelme-qusurlarinda-mudaxileler.html admin Tue, 16 Mar 2021 18:45:26 +0300 https://ulvimirzoyev.com/our-services/invasive-cardiology/68-periferik-damar-xesteliklerinde-mudaxileler.html https://ulvimirzoyev.com/our-services/invasive-cardiology/68-periferik-damar-xesteliklerinde-mudaxileler.html

Periferik damar xəstəlikləri günümüzdə çox rast gəldiyimiz problemdir. Xüsusilə ayaq damar xəstəlikləri ciddi şəkildə ayaq ağrılarının səbəbi kimi ortaya çıxır. Həmçinin ayaqlarda kəskin qidalanma pozulması və ayaqlarda qanqrenalar yarada bilir. Periferik damar xəstəliklərində müdaxiləvi (invaziv) müalicələr aparılmaqdadır. Hansı ki ilk növbədə angioqrafiya olunur, sonrasında lazım olarsa, daralmış və ya tutulmuş damarlara balon və stent tətbiq olunur, və yaxud angioqrafiyadan sonra cərrahi əməliyyat göstərişi verilir. Bundan başqa, periferik damar xəstəliklərinə böyrək arteriyasında olan darlıqlar aiddir ki, bu xəstəlikdə öz növbəsində xəstənin həyat fəaliyyətinə ciddi təsir edir. Böyrək arteriyasında darlıq olan xəstələrdə birdən-birə yüksələn təzyiq müşahidə olunur, hansı ki bəzən bu xəstələr təzyiq xəstəsi olmur. Yəni anidən yüksələn təzyiq, yaşın cavan olması bu xəstəliyə şübhəni artırır. Bu xəstəlikdə də müvafiq olaraq angioqrafiya və balon stent istifadə tətbiq olunur.]]> admin Tue, 16 Mar 2021 18:45:20 +0300 https://ulvimirzoyev.com/our-services/invasive-cardiology/69-renal-denervasiya.html https://ulvimirzoyev.com/our-services/invasive-cardiology/69-renal-denervasiya.html

Renal denervasiya bu gün inadkar hipertoniyanın (rezistent hipertoniya) müalicəsində ən əlverişli müalicə üsulu sayılır. Qeyd edək ki, dünyada 1 milyarddan çox insan hipertoniyadan əziyyət çəkir. Bu xəstələrin 1/3 –i müalicəsiz, 1/3-i müalicə alır və təzyiqlərini kontrolda saxlayır, 1/3- i isə kontrolsuz hipertoniyadır. Kontrolsuz hipertoniya o deməkdir ki, xəstə ən azı 3 qrup təzyiq dərmanı qəbul edir və uğurlu nəticə əldə edə bilmir. Hipertoniya özü ilə bərabər bir sıra ağırlaşmalar, insult, infarkt, görmə pozulması, böyrək çatışmazlığı və s. yarada bilir. Belə ki, bu gün 40-60 dəqiqə ərzində kontrolsuz, hipertoniyadan Renal Denervasiya dediyimiz prosedur nəticəsində qurtulmaq mümkündür. Renal Denervasiya bud nahiyyəsindən arteriyaya girilərək böyrək arteriyalarında sinir qanqlionlarının radio frekans ablasiya olunmasıdır. Bu müalicə üsulu invaziv prosedur sayılır və uğurlu nəticələr yüksəkdir. Bütün dünyada renal denervasiya ilk vaxtlar böyük maraqla qarşılandı və sonradan nəticələrin çoxda uğurlu olmaması fikri irəli sürüldü. Son illər inadkar hipertoniyanın müalicəsində renal denervasiya yenidən gündəmə gəlmişdir və bu barədə xeyli tədqiqatlar aparılmışdır. Qeyd edə ki, biz renal denervasiyaya ölkəmizdə 2012-ci ildə başladıq. Nəticələrimizi Dünya Hipertoniya Kongresində məruzə etmişik. İndiyə kimi bizim renal denervasiya etdiyimiz xəstələr kontrol altındadır və nəticələrimiz çox yaxşıdır.]]> admin Tue, 16 Mar 2021 18:45:16 +0300 https://ulvimirzoyev.com/our-services/invasive-cardiology/70-pulmonar-arteriya-denervasiyasi.html https://ulvimirzoyev.com/our-services/invasive-cardiology/70-pulmonar-arteriya-denervasiyasi.html

Pulmonar arteriya hipertenziyasının müalicəsində son vaxtlar denervasiya əməliyyatı gündəmdədir. Bu gün çox az saylı ölkələrdə icra edilən bu əməliyyatla bağlı xeyli müsbət statistik nəticələr vardır. Bizim komandamız da bu əməliyyatı icra etməkdədir. Əməliyyatda əsas hədəf bu xəstələrin yaşam keyfiyyətinin yaxşılaşmasına yönəlir. Taktiki olaraq PADN əməliyyatı radiofrekans kateterlə pulmonar arteriyaya girilərək simpatik qanglionların radiofrekans ablasiyası aparılmasına əsaslanır.]]> admin Tue, 16 Mar 2021 18:45:12 +0300 https://ulvimirzoyev.com/our-services/clinical-cardiology/diseases/62-mitral-ve-aortal-stenoz.html https://ulvimirzoyev.com/our-services/clinical-cardiology/diseases/62-mitral-ve-aortal-stenoz.html

Mitral stenoz – sol atrioventrikulyar dəliyin daralmasıdır. Bu zaman qanın sol qulaqcıqdan sol mədəciyə ötürülməsi çətinləşir. Mitral stenoz əksər hallarda revmatizm mənşəli olur. Mitral stenozda adətən atrioventrikulyar dəliyin sahəsi 2 sm²-dan az olduqda klinik əlamətlərlə özünü göstərir. Əsas əlamətlər Yorğunluq, fiziki gərginlik zamanı, sonralar isə hətta sakitlik halında təngnəfəslik, qanhayxırma ilə öskürək, ürək çırpınma və s dir. Mitral stenozda ilkin olaraq medikamentoz müalicə aparılır. Lakin ciddi hemodinamik pozulmalar olduqda dərman müalicəsi effektiv olmur. Stenozun ağır hallarda qapaq protezlənməsi, mitral valvuloplastika əməliyyatları aparılır.

Aortal stenoz və ya aorta dəliyinin daralması qazanılmış ürək qüsurlarının ən çox rast gəlinən formalarındandır. Aortada olan darlıq hesabına ürəyin hər dəfə qanı damarlara qovması zamanı əlavə olaraq işi yükü artır. Daha çox xəstələrdə tənginnəfəslik, tez yorulma, zəiflik meydana çıxır. Aortal stenoz inkişaf etdikcə, xüsusilədə daralma 50 % -i keçdikdə daha çiddi əlamətlər, hətta qəfləti ürək ölümləri rast gəlinə bilər. Aortal stenoz ağırlaşmış mərhələlərdə tez tez bayılmalar, boğulmalar, bədəndə şişmələr kimi əlamətlər meydana çıxır.

Xəstələrdə ilk növbədə Exokardioqrafiya incələməsi aparılır. Daha sonrasında angioqrafiya, aortaqrafiya müayinəsi aparıla bilər. Aortal stenozda meydana çıxan əlamətlərə uyğun dərman müalicəsi təyin olunur.

Aortal stenozda dərman müalicəsi aritmiyaların aradan qaldırılmasına, ÜİX-nin profilaktikasına,təzyiqin normada qalmasına, ürək çatışmazlığının ağırlaşmasının qarşısının alınmasına yönəldilir. Bundan başqa aortal stenozda müdaxiləvi və açıq cərrahi müalicə üsullarıda tətbiq olunur.]]> admin Tue, 16 Mar 2021 18:45:04 +0300 https://ulvimirzoyev.com/our-services/clinical-cardiology/diseases/61-urek-qusurlari.html https://ulvimirzoyev.com/our-services/clinical-cardiology/diseases/61-urek-qusurlari.html

Ürək qüsuru dedikdə yəni ki mədəcik və qulaqlıqarası çəpər defektləri, ürəyin qapaq aparatında və ya böyük damarlarda olan dəyişikliklər nəzərdə tutulur.

Ürək qüsuru 2 cür: anadangəlmə və qazanılmış olur. Anadangəlmə qüsurlara qulaqcıqlararası və mədəciklərarası çəpər deffekti, aorta və ağ ciyər arteriyasının zədələnməsi,arterial axarın açıq qalması və s aiddir.

Qazanılmış qüsürlar-daha çox revmatizm mənşəli olur. Bu qüsurlar ən çox ürək qapaqlarında meydana çıxır. Ürək qapaqlarında qüsurlar qapaq çatışmazlığı və stenoz (daralması) kimi rast gəlinir.

İstənilən halda ürək qüsurları ürəyin işinə mənfi təsir göstərə bilir, ürəyin qan qovma funksiyasını pozur ki, nəticədə bir sıra əlamətlər ortaya çıxır.

Daha çox tənginəfəslik, tez yorulma, bədəndə şişlər,uşaqlarda göyərmə və s. rast gəlinir. Ürək qüsurları aşkar olunduqda kontrol altına alınmalıdır. Bəzi qüsurlar təqib olunur və yaş artıqca aradan qalxır. Lakin bəzi ürək qüsurlarında müdaxiləvi (invaziv) və cərrahi əməliyyat göstəriş sayıla bilər.]]> admin Tue, 16 Mar 2021 18:45:00 +0300